Këngëtarja me origjinë shqiptare Dua Lipa, ka qnë e ftuar në “New York Times” për të performuar disa prej këngëve të saj. Në një transmetim direkt, këngëtarja i është përgjigjur edhe disa pyetjeve për veten dhe për projektet në muzikë. Një ndër pyetjet të cilat i është përgjigjur 21 vjeçarja, ishte edhe bërja e një kënge në gjuhën shqipe.
“Kam shumë dëshirë të këndoj në shqip. Jam emocionuar shumë kur kam kënduar në Kosovë, në vendin e prindërve të mi. Nuk e di nëse ndonjëherë do të bëj këngë në gjuhën shqipe, por do të doja shumë”, ka thënë ajo.
Ndërkohë, Dua mori komente shumë pozitive për performancën ndërsa këndoi shumë këngë të albumit të saj të ri, që sapo ka dalë në treg.
