Këngëtarja shqiptare me famë botërore Dua Lipa është përfolur shumë shpesh për një ardhje të mundshme në Tiranë, mirëpo lajmi nuk është konfirmuar asnjëherë nga vetë ajo.
Por, sot, në një njoftim zyrtar nga kryebashkiaku Veliaj dhe vetë Dua, konfirmohet se ajo do performojë në kryeqytetin shqiptar më 10 gusht.
“Sa bukur! Do mbyllim vitin tonë të parë në Bashki me Dua Lipan në Tiranë. Shihemi të gjithë në 10 Gusht tek Sheshi Nëne Tereza në një koncert të hapur falas për të gjithë!”shkruan Veliaj në profilin e tij në Instagram.
Ndërkohë që edhe Lipa ka vendosur ta ndajë këtë lajm nëpërmjet një postimi të sajin ku shkruan se ky koncert do jetë pasardhës i një tjetri në Prishtinë.
Kjo është hera e parë që këngëtarja e famshme performon në vendin tonë, që nga momenti që arriti të fitonte zemrat e fansave në të gjithë botën me zërin dhe këngët e saj.
