Policia italiane ka sekuestruar, ditën e sotme, 700 kg kanabis me vlerë 4 milion euro, pasi u braktis nga trafikantët në zonën midis San Foca dhe Torre Spechia në Leçe.
Sipas mediave fqinje, një gomone e fuqishme e nisur nga brigjet shqiptare kaloi ngushticën e Otrantos duke trafikuar kanabis drejt shtetit italian.
Ata synonin të shkonin në bregdetin e San Foca, por gomonia u pikas nga disa banorë të cilët njoftuan më pas policinë.
Të njëjtat burime bën me dije se trafikantët fshehën në shkurre thasët me drogë, që pas peshimit rezultoi se ishte 700 kg kanabis me vlerë 4 milionë euro.
Autoritetet italiane kanë nisur hetimet për të identifikuar trafikantët që kanë transportuar sasinë e madhe të drogës.
Brenda këtij viti është hera e tretë që policia italiane kap sasi të mëdha drogë ku vlera e tyre ka qenë me miliona euro.
