Policia ka arrestuar një person me inicialet F.C., pasi ka tentuar të fusë drogë në burgun e Vlorës.
Mësohet se i riu kishte fshehur lëndën narkotike, kanabis dhe kokainë, mes patateve, por është kapur nga kontrolli i burgjeve.
F.C., akuzohet për veprat penale “Prodhim dhe shitje narkotikësh” dhe “Futja dhe mbajtja e sendeve të ndaluara në IEVP”.
“Shërbimi Kombëtar i Kontrollit të Burgjeve arrestoi në flagrancë një shtetas i cili tentoi të fuste një sasi të konsiderueshme lëndë narkotike në burgun e Vlorës.
Në pranga u vu shtetasi F.C, pasi gjatë kontrollit në skaner të disa ushqimeve të sjella për familjarët, në brendësi të patateve u konstatua një sasi e konsiderueshme lënde bimore, e dyshuar për lëndë narkotike kanabis sativa dhe lëndë narkotike e dyshuar e llojit “kokainë”.
Materialet procedurale në ngarkim të shtetasit F.C iu dërguan Prokurorisë Pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme për veprat penale “Prodhim dhe shitje narkotikësh” dhe “Futja dhe mbajtja e sendeve të ndaluara në IEVP”-njofton drejtoria e burgjeve.
