Detaje të reja janë zbardhur lidhur me arrestimin e 22-vjeçarit Ariel Rraja, nipi i ish-deputetit të PS, Rrahman Rraja.
Të riut iu vunë prangat pasi në makinën e tij u sekuestrua lëndë narkotike kokainë dhe një shumë parash në lekë dhe euro.
Pas arrestimit, Ariel Rraja ka deklaruar; Jam i tensionuar, do të flas në një moment të dytë”.
22-vjeçarit i janë gjetur më shumë se 200 mijë lekë dhe para të tjera në valutën e eurove në makinë, dhe më shumë se 50 gramë kokainë, e cila në treg kap vlerën e rreth 5 milionë lekëve të vjetra.
Sektori i narkotikëve kishte informacione se i riu mund të kishte lëndë narkotike në makinë dhe iu vu nga pas dhe pas kontrollit rezultoi të ishte e vërtetë.
