Një bandë prej katër personash (tre burra dhe një grua) që merreshin me drogë u shkatërrua në Milano. Skuadra e lëvizshme e kryeqytetit milanez, e drejtuar nga Marco Calì, ka realizuar operacionin pas hetimeve që zgjatën mbi një vit, duke identifikuar veçanërisht disa apartamente të përdorura për fshehjen e drogës.
Në një nga këto apartamente, që ndodhet në rrugën Vittorio Scialoia, në janar 2022 gruaja pjesë e grupit kriminal u arrestua në flagrancë. Ajo u kap duke fshehur 79 shkopinj heroinë me peshë totale 43 kilogramë, si dhe 3 shkopinj hashash. Droga ishte dorëzuar në parkingun e autobusit, nga një shofer autobusi me targa shqiptare një tjetër prej të dyshuarve, i cili e kishte ngarkuar në bagazhet e motorit dhe më pas e kishte lënë në banesën e Afforit.
Një tjetër depozitë u zbulua më pas në Paderno Dugnano. Hetuesit instaluan një kamer përmes së cilës u bë e mundur të filmoheshin të dyshuarit teksa transportonin presa hidraulike, të përdorura për paketimin e dozave të drogës. Sipas asaj që është publikuar në mediat italiane, banda kishte kontakte të drejtpërdrejta me furnitorë shqiptarë, nga të cilët arrinin të blinin drogë me çmime veçanërisht të favorshme.
Shiten 170 kilogramë drogë
Gjatë hetimeve, banda ka shitur më shumë se 170 kilogramë heroinë dhe kokainë. Mëngjesin e 7 korrikut, agjentët e skuadrës milaneze zbatuan katër urdhrat e arrestit të lëshuara nga gjyqtari hetues. Njëri nga të dyshuarit ka përfunduar në burg, dy në arrest shtëpiak ndërsa personi i katërt do i nënshtrohet detyrimit për nënshkrim në policinë gjyqësore./Opinion.al
