Në sajë të operacionit të koduar “Lëndina e punuar” të organizuar nga Policia Mirditë, në bazë të informacioneve të siguruara në rrugë operative është bërë e mundur kapja dhe arrestimi në flagrancë i tre personave: Armand Beleshi, 32 vjeç, banues në Mirditë; Emiljano Kola , 26 vjeç, banues në Kurbin; Eugen Simoni , 25 vjeç, banues në Durrës.
Këta persona në bashkëpunim me njëri tjetrin, në vendin e quajtur Qafmulli, Selitë, Mirditë, në një tokë pa pronar kanë kultivuar një sasi prej 4000 bimë narkotike ,të cilat u asgjësuan me anë të djegies.
Gjithashtu në cilësinë e provës materiale policia ka sekuestruar edhe 2 armë zjarri automatik dhe 1 armë gjahu pa leje.
Materialet procedurale do t’i referohen Prokurorisë së Rrethit Gjyqësor Lezhë , për veprat penale “Prodhimi dhe mbajtja pa leje e armëve luftarake dhe municionit Kultivimi i bimëve narkotike” dhe “Prodhimi dhe mbajtja pa leje e armëve të gjuetisë dhe sportive” .
