Pesë shqiptarë janë arrestuar nga policia italiane pasi akuzohen për trafik droge. Në pranga të policisë kanë rënë, Daniel Elezi 24-vjeç, dy vëllezërit Altin Muca, 31-vjeç dhe Kelmend Muca, 32-vjeç, Tajar Menerja, 33-vjeç, Qazim Sharka , 36-vjeç.
Sipas policisë të arrestuarit e kishin ushtruar aktivitetin e tyre të paligjshëm në Piacenza.
Pas hetimeve të policisë, të rinjtë shqiptarë rezultojnë me precedentë të mëparshëm penal. Mbi pesë shqiptarët rëndojnë akuzat për veprat penale të “trafikimit, armëmbajtjes dhe shfrytëzimit të prostitucionit.”
Gjatë kontrollit të ushtruar, policia gjeti dhe sekuestroi në cilësinë e provës materiale një pistoletë 7.65 dhe 50 gram kokainë të pastër që njëri prej të arrestuarve e kishte fshehur në automjetin e tij./Klan
