Droga në shkolla nuk është një fenomen i panjohur në kryeqytet dhe duket se gjithmonë e më tepër po bëhet shqetësuese tek të miturit. Ditën e djeshme një 16-vjeçar është kapur me 5 doza kanabis në një shkollë të Saukut, ndërsa materialet iu referuan Prokurorisë së Rrethit Gjyqësor, Tiranë.
Njoftimi
Më datë 16.03.2018, u referuan materialet në Prokurorinë e Rrethit Gjyqësor Tiranë, për shtetasin e mitur B.Z, vjeç 16, banues në Tiranë, pasi dyshohet se në Sauk, tek një shkollë, nga kontrolli fizik iu gjetën e bllokuan në cilësinë e provës materiale 5 doza lëndë narkotike e llojit Cannabis Sativa. Neni 283 i Kodit Penal.
