Lidhur me sasinë e madhe të drogës që u kap dje në magazinat e ish-pularisë në Rreshen, drejtori i Policisë së Qarkut Lezhë në një prononcim për “Opinion.al” tha se “janë 22 persona të arrestuar dhe mbi 30 të shoqëruar”. Ndërsa për sasinë e drogës, ai tha se policia ende është në proces, por bëhet fjalë për sasi të mëdha, rreth 2 ton hashash.
Ndërkohë, nuk jepet emri i poseduesit të lëndës narkotike.
Në media u përfol emri i Kastriot Reçit, por drejtori Ermal Muça e hedh poshtë, duke thënë se “nuk bëhet fjalë për këtë person…dhe këtë e them me siguri”.
– “Hetimet po vazhdojnë, tha ai,-nga prokuroria e Krimeve të Rënda dhe Prokuroria e Lezhës, në bazë të hetimeve do të dalin edhe rolet e personave të implikuar”. Ajo që dihet, tha Muça u shpreh ai “është kapur një sasi e konsiderueshme droge, në një operacion të iniciuar nga Policia e Lezhës, janë arrestuar 22 persona dhe shoqëruar mbi 30 të tjerë”.
*Foto nga operacioni i policise ne Rreshen, mbremjen e djeshme
