Një sasi e madhe droge është zbuluar mesditën e sotme në hyrje të qytetit të Rreshenit (Bashkia Mirditë). Droga është gjetur në disa magazina të braktisura që njihen si ish-pularia, dhe ndodhen në hyrje të qytetit.
Bëhet fjalë për tonelata me drogë, thonë burimet, por sasia e saktë ende nuk dihet. Ndërkohë, deputeti demokrat Flamur Noka tha se janë 3 ton hashash.
Në këto momente gjithë zona është e rrethuar me forca të policisë, kryesisht nga Drejtoria e Policisë e Qarkut Lezhë, ku bën pjesë edhe Mirdita. Për arrestimin e poseduesve të drogës që besohet se janë në dy shtëpi pranë magazinës është kërkuar ndërhyrja e forcave RENEA.
Ndërkohë janë ndaluar 15 persona që janë gjetur duke punuar në magazinën ku thahej e paketohej hashashi.
Informacioni u dha fillimisht nga Flamur Noka më pas u konfirmua nga burime gazetareske. Ndërsa Policia e Shtetit nuk ka bërë asnjë deklaratë për këtë operacion që po kryhet në Rrëshen. /Opinion.al
*foto ilustruese
Lajmi ne perditesim…
