Policia e Shkodër arriti të sekuestrojë 126 kg drogë në dy operacione. I pari dhe më i madhi me emrin “The border”, arriti të sekuestrojë 107 kg lëndë e dyshuar narkotike cannabis-sattiva dhe vënë në pranga 6 shtetas.
Më konkretisht nga shërbimet e Drejtorisë u arrestuan në flagrancë i 5 shtetas, pasi janë kapur në brezin e kufirit jeshil, në vendin e quajtur fshati Pentar, njësia administrative Dajç, duke udhëtuar me mjetin kamionçinë e markës me targë SH 8893 E, e cila ishte e ngarkuar me 18 thasë, në total me 88 kg lëndë e dyshuar narkotike cannabis-sattiva, e cila u sekuestrua në cilësinë e provës materiale.
Këta shtetas në bashkëpunim me njëri-tjetrin kishin qëllim trafikimin e lëndës së dyshuar narkotike.
Shtetasit e arrestuar janë :
* Gjergj Gjuraj, 56 vjeç, banues në Shkodër
* Klodian Dani, 31 vjeç, banues në Shkodër
* Dorjan Gjeloshi, 26 vjeç, banues në Shkodër
* Viktor Gjeloshi, 23 vjeç, banues në Shkodër
* Eduard Avdia, 28 vjeç, banues në Shkodër
Ndërsa nga shërbimet e Policisë Kufitare Muriqan, Shkodër, në bazë të informacioneve të siguruara në rrugë operative, u bë i mundur arrestimi në flagrancë i shtetasit :
* Alvaro Balaj, 27 vjeç, banues në Durrës
Gjatë kontrollit të ushtruar në vijën e dytë, në automjetin e tij tip, me targë AA 813 OV, u gjet në 2 anësoret e këtij automjeti poshtë dyerve disa pako të mbështjella dhe të futura në cilindra metalikë, ku në total ishin 19 kg lëndë e dyshuar narkotike cannabis sattiva, e cila u sekuestrua në cilësinë e provës materiale.
Materialet proceduriale për të 2 rastet, iu referuan Prokurorisë së Krimeve të Rënda, Tiranë për veprën penale “Trafikim i lendëve narkotike” në bashkëpunim, parashikuar nga neni 283/a/2 i Kodit Penal.
