Ish-shefi i Antidrogës së Fierit, Dritan Zagani, do të përballet edhe me një tjetër akuzë. Prokuroria e Përgjithshme që po merret me cështjen e tij, vec shpërdorimit të detyrës dhe moskallëzimit të krimit, do ta akuzojë Zaganin edhe për largim të të paraburgosurit nga vendi i qëndrimit, akuzë që lidhet me thyerjen e arrestit të shtepise nga vete Zagani.
Prokuroria ka hapur një dosje të cilën është gati ta cojë në gjykatë.
Ai ka dhënë disa intervista ose prononcime për mediat në Shqipëri ose ato italiane, duke akuzuar politikanët, ndërsa ka përmendur edhe disa emra që sipas tij janë trafikantë.
Ndër akuzat më të forta të tij janë ato ndaj ministrit të Brendshëm, Saimir Tahiri, për favorizim të trafikut të drogës. Referuar në deklaratat e tij edhe prokuroria italiane ka nisur hetime mbi përfshirjen e zyrtarëve italianë në favorizim të trafikut të narkotikëve.
Sipas mediave zvicerane Zagani ka kërkuar azil politik në Zvicër ku po qëndron së bashku me bashkëshorten dhe tri vajzat e tij. /tvklan/
