Drejtuesi i Prokurorisë së Elbasanit, Dritan Gina ka dalë në një deklaratë për mediat, pasi është njohur me urdhërin e Kryeprokurores Arta Marku për ta liruar nga kjo detyrë. Ai tha se vendimi i Kryeprokurores është i pabazuar në asnjë ligj. Sipas tij, ajo po vepron politikisht. Sakaq për herë të parë ai ka deklaruar se prokuroria ka qenë nën sulmin e paprecendentë të Policisë së Shtetit. Për këtë ai solli shembullin e kontrollit pak muaj më parë në zyrat e prokurorisë.
“Lëvizja është e nxitur nga qarqe të caktuara politike. Kryeprokurorja nuk ka bërë asnjë mbledhje dhe nuk ka kërkuar asnjë analizë deri më sot”, tha Gina.
“Në aspektin personal nuk e kam aspak problem të largohem pasi unë e kam emërimin në Tiranë dhe i komanduar në Elbasan, por refuzoj ta zbatoj, pasi vendimi është i paligjshëm” deklaroi më tej ai.
(Lajmi në përditësim…)
