Lavdrim Muhaxheri ka lindur në fshatin Dushkajë të Kaçanikut, i rritur jetim, pa nënë. Kohë më parë i njohur nga fqinjët si “djalë i mirë”, por nën inspirimin e disa hoxhallarëve, u shndërrua në një nga fytyrat më të urryera në botë.
Ish-Komandanti i Forcave Speciale të Ushtrisë, Dritan Demiraj, sonte, në studion e emisionit “Opinion” ka folur për një nga shqiptarët më të njohur të Shtetit Islamik, ISIS, Lavdrim Muhaxheri.
Demiraj tha se në atë zonë ku dhe ka lindur Muhaxheri është një zonë që janë bërë disa arrestime, pasi hoxha e atij fshati ka ndikuar në indoktrinimin e shumë të rinjve.
Ai bëri me dije se Lavdrim Muhaxheri prej një periudhë gati 4-vjeçare ka luftuar në Siri për vendosjen e ndikimit të Shtetit Islamik (ISIS).
Ministri Demiraj theksoi se karriera e Muhaxherit u spikat jashtëmase nga fakti se ai realizoi disa prerje koke, të cilat sollen edhe ngritjen apo spikatjen e tij tek krerët e ISIS.
