Gjykata e Lartë vendosi rikthimin e dosjes së Dritan Dajtit për në Gjykatën e Apelit të Krimeve të Rënda, për rigjykim.
Gjykata e Shkallës së Parë e dënoi Dajtin me burgim të përjetshëm, në vitin 2009 dhe në 1 dhjetor të vitit 2014, Apeli i Krimeve të Rënda vendosi prishjen e dënimit dhe kthimin e dosjes për rigjykim.
Por këtij vendimi të Apelit, i bëri rekurs Prokuroria në Gjykatën e Lartë me pretendimin se nuk ishte i rregullt.
Gjykata e Lartë pas më shumë se një viti që kishte dosjen në proces, ka vendosur ta kthejë dosjen për rigjykim në Apelin e Krimeve të Rënda.
Dajti akuzohet për vrasjen e 4 efektivëve të policisë në qytetin e Durrësit më 7 Gusht 2009.
