Dritan Dajti ka përfituar një vit ulje të dënimit, pasi Gjykata e Apelit ka lënë në fuqi vendimin e Shkallës së parë. Vendimi është marrë ditën e sotme, për kërkesën e bërë nga Dajti që në vitin 2016.
Dajti, u dënua me akuzën e vrasjes në rrethana cilësuese të oficerëve të policisë, Fatos Xhani, Sajmir Duçkollari, Altin Dizdari dhe Kastrit Feskaj gjatë një operacioni policor për kapjen e tij në vitin 2009.
Fillimisht Dajti ka qenë i dënuar me burgim përjetë, por iu hoq nga gjyqtarët Skënder Damini, Petrit Aliaj dhe Aleks Nikolli. Këta tre gjyqtarë firmosën pro heqjes së burgimit të përjetshëm për Dajtin, duke argumentuar se ishte korrekte sipas ligjit.
