TIRANE- Avokati i Androkli Kokthit, Maks Haxhia tha se “kam bindjen e plotë se jemi para një konflikti administrativ mes dy organeve, kjo pasi në një asnjë rrethanë fakti kriminal nuk mund të çojë në një masë kaq ekstreme”.
Deklarata u bë pas përfundimit të seancës për masën e sigurisë, ku gjykata e cilësoi të ligjshëm ndalimin e Drejtorit të Tatimeve të Tiranës.
Kokthi u la në arrest me burg, pasi akuzohet për shërdorim detyre, duke i shkaktuar buxhetit të shtetit një dëm prej 40 milion lekësh të vjetra.
40-vjeçari nuk i ka pranuar akuzat para gjykatës duke sqaruar se kishte kryer detyrën për rastin që akuzohet. Në përfundim të seancës avokati mbrojtës i të akuzuarit, Maks Haxhia e cilësoi ndalimin në kundërshtim me ligjin.
Prokuroria e Tiranës i nisi hetimet për Kokthin 8 muaj më parë pas kthimit të mallit të konfsikuar një biznesi, të cilit i ishte sekuetruar për mungesë të faturës. Ky veprim, sipas akuzës, është në kundërshtim të ligjit, pasi malli i konfiskuar nuk kthehet po vetëm shitet.
Si dhe nuk mund të shfuqizohet urdhri i konfiskimit i lëshuar nga Drejtoria e Përgjithshme e Tatimeve nga një organ më i ulët. që është Drejtoria Rajonale e Tatimeve në kryeqytet.
