HEC-i që po ndërtohet mbi lumin Fan ka rrezikuar seriozisht shkatërrimin total të Rrugës së Kombit. Prurjet e mëdha të ujit nga hapja e portave të HEC-it që po ndërtohet nga turqit ka vërshuar në autostradë, pikërisht në aksin Milot-Rrëshen.
“Dje rreth orës 13:00 nga hapja e portave të hidrocentraleve, niveli i ujit ka qënë shumë i lartë thuajse në nivelin e rrugës, ka patur gërryerje të rrugës.Kjo ka ndodhur në aksin Milot-Rrëshen por janë marrë masa me vendosjen e blloqeve. Pjesa e re e rrugës është dëmtuar”, tha ai.
“Nuk është se ka pasur shembje të rrugës por gërryerje dhe për këtë duhet marrë masa të nevojshme, kërkojmë fonde të veçanta sepse nuk përballohet. Për dëmet nuk kemi një faturë financiare. Reshjet dhe hapja e portave kanë qënë shkaku kryesor i dëmtimit të kësaj pjese të rrugës”, tha Xhika në një intervistë për Report TV.
Sakaq Opinion.al e ngriti shqetësimin për punimet në këtë HEC disa ditë më parë. Ja video që tregon hapjen e portave të digës tek ura e Cekajve, në fshatin Kaçinar të Mirditës. Pamje të frikshme, lumi Fan del nga kontrolli
