Drejtori i Policisë së Shtetit Ilir Proda ndodhet në komisionin e sigurisë në seancë dëgjimore në lidhje me projektligjin “Për Buxhetin e vitit 2025”.
Gjatë fjalës së tij, Proda kërkoi financim të flotës së mjeteve.
“50% e flotës është e amortizuar.. Na duhen 709 mjete. Momentalisht i marrim me qira. Të shikohet mundësia e financimit” tha Proda.
Gjithashtu foli edhë për masakrën e Shkodrës, ku sipas tij së shpejti do të kemi rezultate konkrete.
“Grup i posaçëm duket sikur s’po punon, por unë me garanci po ju them që shumë shpejt për atë ngjarje do të kemi rezultate. Ngjarja ishte e rëndë, sikur të kisha shkopin magjik ta ktheja kohën pas, besoj të gjithë nga ne do ta kishim vënë dorën në zemër për të mos ndodhur, por ja që ka ndodhur. Është fakt tani dhe duhet të përballemi. Ngjarje nuk ka pasur vetëm në Shkodër, situatë problematike ka pasur në disa qytete të Shqipërisë të cilat ne i kemi adresuar”, deklaroi Proda.
