Drejtori i Përgjithshëm i Policisë së Shtetit, Haki Çako iu përgjigj në mënyrë të tërthorë akuzave të LSI dhe la të nënkuptuar se po vazhdon detyrën normalisht.
“Jam në krye të detyrës dhe do vazhdoj të jem. Jam duke drejtuar një organizatë të depolitizuar, për sa kohë jam duke e zbatuar atë me përpikmëri maksimale jam duke ndjekur të gjithë procesin zgjedhor. Policia sot është një nga institucionet e besueshmërisë më të lartë të këtij procesi që monitorohet nga qendra në bazë, nga të gjithë aktorët”, u shpreh drejtori i Policise se Shtetit, Haki Çako.
Në mënyrë të përsëritur LSI e ka quajtur drejtorin e policisë “Haki droga” dhe ka kërkuar shkarkimin e tij me argumentin se po influencon fushatën. “Kërkojmë shkarkimin e menjëhershëm nga detyra të drejtorit të përgjithshëm te Policisë, Haki Çako, të shefit të komisariatit të Policise ne Berat, drejtorit te policisë Berat, shefin e komisariatit Lezhe dhe shefin e komisariatit në Fushë Krujë, në të kundërt mosveprimi në një rast të këtillë përballë këtyre fakteve skandaloze është bashkëfajësi e funksionarëve më të lartë shtetërorë përfshirë këtu kryetarin e Rilindjes. Ne te kundert do jene te detyruar te mbrojne veten pa i kapërcyer kufijtë ligjorë”, tha dje n/kryetari i LSI Luan Rama pas disa incidenteve që u shënuan në fushatë.
