Opinion.al ka arritur të marrë disa informacione mbi atë ç’ka po ndodh në mbledhjen me dyert të mbyllura të grupit të PD ku të pranishëm janë ambasadori i SHBA, Donald Lu dhe ajo e BE Romana Vlahutin. Ambasadorët kanë kërkuar miratimin e reformës, por deputeti Pollo ka kërkuar që të mos bëhet presion dhe tu lihet kohë të njihen me këtë draft.
Ja një pjesë e replikave në grupin e PD
Romana Vlahutin: Detyrimi im është t’ju tregoj avancimin e Shqipërisë nga këndvështrimi europian. Ne kemi investuar kapital politik, para dhe ekspertizë në Shqipëri. Në rast se nuk do ketë ndërhyrje të thellë dhe të fortë në këtë reformë nuk mund ta ndihmojmë Shqipërinë në rrugën e BE.
Donald Lu: Kam dëgjuar se keni filluar diskutimin mbi ardhjen tonë në mbledhje. Nuk do ketë kapërcim të ‘vijës së kuqe’. Prania mia është shprehje e rëndësisë së reformës, por jo urdhër….
Jemi të përgatitur për të qenë konstruktiv. Por duam edhe opozitë konstruktive. Kjo reformë të marrë miratim dhe të zbatohet. E vetmja pyetje është si do ta bëjmë?
Duhet të ketë bashkëpunim të gjitha partive….
OPDAT ka përagatutir një draft të mirë sipas rekomandimeve të Venecias.
Genc Pollo: Eshtë e papranueshme ajo që kam lexuar në gazeta se ambasadorët kanë deklaruar se “do të turpëroheni nëse nuk votoni tani reformën”. Kështu nuk pranohet që ti thuhet deputetit voto pa e lexuar.
Trajtohet kjo reformë në mënyrë të pabesueshme. Po të kesh verejtje për të, do të thotë se je hajdut, antievropian, antiamerikan…, etj.
