Deputeti socialist Pandeli Majko ka deklaruar sot se për reformën në
drejetësi, edhe në mungesë të konensusit me opozitën, fjalën e fundit
e ka qytetari, përmes referendumit.
Gjatë fjalës në komisionin adhoc për reformën, Majko theksoi në emër
të PS se “ne do t’i qëndrojmë asaj që kemi thënë, këtë proces do të
bëjmë bashkë me ekspertët ndërkombëtar dhe vendas, pasi do të jetë
proces delikat që do të prekë fatet e një marrëdhënies të
rëndësishme, atë të politikës me drejtësinë”.
“Edhe nëse do biem dakord të mos biem dakord kemi një rrugë të
fundit të ndershëm shkuarja te publiku, referendumi, kjo është e
natyrshme për t’i dhënë fund cdo skenari se diku po gatuhet grusht
shteti për të marrë në duart e një partie sistemin e drejtësisë, cdo
jurist, por edhe kush nuk kupton shumë nga diskutimet që dëgjon,
kupton se një parti me 62 vota nuk bën grusht shteti në Shqipëri”
tha Majko.
Sipas Majkos, konsensusi politik është shumë i rëndësishëm, por
prevalenca përballë konsensusit politik është dhe një pyetje që ka të
bëjë jo me konsensusin, por integrimin në BE, dhe ky lidhet shumë
me këtë reformë.
Sipas Majkos, konsensusi politik është shumë i rëndësishëm, por
prevalenca përballë konsensusit politik është dhe një pyetje që ka të
bëjë jo me konsensusin, por integrimin në BE, dhe ky lidhet shumë
me këtë reformë.
Majko shtoi më tej se komisioni është duke ecur natyrshëm, duke iu
drejtuar sërish Venecias për interpretim. “Në vazhdim edhe të
opinionit të kolegut të PD lidhur ndoshta me mostrajtimin shumë të
qartë të vërejtjeve të Venecias nga ekspertët, ne po i drejtohemi asaj
për t’u shprehur ajo se si janë reflektuar ato që ka shprehur pikërisht
komisioni. Ekspertët me shumë të drejtë po na propozojnë që ne t’i
drejtohemi Venecias për reflektimin e propozimeve të tyre. Edhe unë e
kolegët do i drejtohemi, edhe me një reflektim nga Venecia për
shumicën me 2/3 apo 3/5, ne në fund duam sistem funksional, e jo në
marrjen e drejtësisë në duart e politikës.
