Ambasadori Amerikan, Donald Lu ka nisur takimet e ndara me disa deputetë të PD-së. Këto takime vijnë në një kohë kur PD refuzon të votojë draftin për reformën në Drejtësi, pa marrë vendet e rezervuara në katër institucionet që krijohen në të.
Sipas burimeve të “Panoramës” Lu mendohet se këto takime po i bën në kuadër të votimit të 21 korrikut, kur reforma së bashku me ndryshimet kushtetuese shkon në Parlament për votim.
Nga ana tjetër, kreu i PD-së, Lulzim Basha ka deklaruar se nuk e njeh reformën me vota të trafikuara, siç quan ai votat e supozuara brenda grupit të PD-së që mund të bashkohen me mazhorancën.
Sipas burimeve, takimet e ndara me deputetë të PD-së do të vazhdojnë deri në ditën e votimit të reformës.
