Pas orësh të tëra negociatash me Partinë Demokratike, mbi dakordësimin e draftit për dekriminalizimin. Deputeti Taulant Balla tha se janë pranë dakordësimit. Dhe se kanë arritur në një draft përfundimtar. “Nuk mendoj se do të kemi nevoja për negocitata”
“S’ka pas nevojë fare as për tym të bardhë as për tym të zi, e s’do kishte pasur nevojë as për një negociatë kaq të gjatë nëse kolegët e PD sdo kishin një bindje që gjithë ai konsensus i arritur për ligjin duhet të kishte vlejtur edhe për përkthimin e ligjit në një vendim dhe shtojcat që e shoqërojnë atë. Unë jam besimplotë që me dëshirën tonë të madhe të ruajmë këtë konsensues besoj se kemi arritur në një draft e mendoj se nesër në kuvend të kemi zbardhur të gjithë dokumentacionin, bëhet fjalë për një vendim të kuvendit dhe më pas për formularin e vetëdeklarimit, e gjithë kjo tymnajë të mbyllet nesër. Kemi rënë dakort për të gjjtha, kërkohet ende një mendim mbi ato që është dakortësuar nga ana e PD, ka pasur një keqinterpretim jo nga Bylykbashi por nga folës të tjerë të shqup, për negociatat, ne e kemi mbyllur, kemi rënë dakort, dhe këtë cështjen e formularëve të deklarimit e kishim rënë dakort. E rëndësishme që aktet nënligjore ti mbyllim nesër ne seancë plenare”, tha Balla.
Mësohet se për sa i përket formularit të vetëdeklarimit për të cilin nuk binin dakord, kanë mbetur ende dy çështje pezull, por palët arritën një marrëveshje paraprake.
Pas përfundimit të mbledhjes së Këshillit të Mandateve dhe të Rregullores, ku u diskutuan aktet nënligjore të ligjit të dekriminalizimit, deputeti Taulant Balla ka konfirmuar se është arritur konsensusi për të gjitha çështjet.
Pika ku ndaheshin palët ishte për formularët e vetëdeklarimit. Formulari i PDsë jepte një pyetje gjithpërfshirëse ku u kërkon deputetëve dhe zyrtarëve të tjerë që t’i përgjigjen pyetjes “a jeni arrestuar ndonjëherë”, ndërsa ai i socialistëve është më konkret. “A jeni dënuar me vendim të formës së prerë nga gjykata” pyesin socialistët.
Demokratët kundërshtojnë propozimin e socialistëve në dy pika; në formularin e vetëdeklarimit dhe në institucionin verifikues të këtij vetëdeklarimi.
“Verifikimi i drejtpërdrejtë nga institucionet dhe në këtë rast është prokuroria, është një element kyç i ligjit. Heqja e këtij elementi heq gjysmën e mekanizmit verifikues që ka ligji, pra e cungon dhe e bën jo efektiv ligjin”, deklaroi përfaqësuesi i demokratëve në këtë Këshill, Oerd Bylykbashi.
