Dosja e zjarreve shkon në prokurori. Policia: Ja motivet pse njerëzit i vendosën flakën pyjeve

Policia ka referuar një dosje në prokurori për zjarret kanë përfshirë vendin gjatë verës. Sipas policisë janë zbuluar 34 raste zjarrvënie me 35 autorë, prej tyre 12 autorë janë arrestuar e ndaluar, 19 autorë ndiqen në gjendje të lirë, si dhe 4 autorë janë shpallur në kërkim.
Motivet kryesore te zjarrëvënies dyshohet se janë:
– ripërtëritja e kullotave
– personat të cilët kanë marrë në përdorim pyjet, me qëllim shmangien e taksave
– hapje tokash të reja
– përdorimin i granteve për shëndetësim pyjor etj.
Policia ka marrë masa për objektet me risk për të cilat premisat për rënie zjarri, krahas pyjeve dhe kullotave jane te larta. Ato janë 4 subjekte që kanë depo për magazinim të lëndëve piroteknike fishekzjarrë, në Tiranë dhe në Elbasan.
Këto depo kanë marrë edhe vetë masat e sigurise pasi janë të certifikuara nga strukturat e Mbrojtjes ndaj Zjarrit, janë të miratuara nga Komisariatet e Policisë dhe sigurohen me Shërbime Private të Sigurisë të armatosura.