Trupa gjykuese e Gjykatës së Apelit, e cila do të shqyrtojë ankimin e deputetit të Partisë Demokratike, Ervin Salianji, për dosjen ‘Babale” nuk do të ndryshojë.
Gjykata e Apelit vendosi të refuzojë kërkesën e bërë nga gazetari Jetmir Olldashi, për përjashtimin e anëtares Iliba Bezati.
Në këtë formë, në seancën e radhës, caktuar më 24 prill, trupi gjykues në Apel do të përbëhet nga Elona Toro, relatore dhe gjyqtarët Iliba Bezati dhe Genti Shala, anëtarë.
Në Apel, deputeti Salianji kërkon prishjen e dënimit me 1 vit burg dhënë nga Shkalla e Parë ndaj tij për akuzën e “kallëzimit të rremë”.
Gjykata e Tiranës fajësoi deputetin dhe gazetarin Olldashi për inskenimin e një audio-përgjimi, me qëllim nisjen e hetimit penal ndaj vëllait të ish-ministrit të Brendshëm, Fatmir Xhafaj.
