Deputeti Tom Doshi dhe Ndriçim Babasi, kreu i PD-së në njësinë numër 9 fituan të drejtën nga gjykata mbi një sipërfaqe tokë në zonën e ish-bllokut, ku këngëtarja e njohur Rovena Dilo kishte ngritur prej vitesh një lokal të sajin.
Por edhe pse bar “Rovena” u mor nga Përmbarimi privat, në një kundërshti të fortë të këngëtares e cila e ka quajtur vendim të padrejtë të gjykatës dhe zaptim të tokës që gëzon familja e saj, zyrtarët nuk janë mjaftuar me kaq.
Doshi dhe Babasi i janë drejtuar Gjykatës së Lartë ku kërkojnë që këngëtarja e njohur të lirojë dhe dorëzojë pronën e zënë. Relator i çështjes do të jetë gjyqtari Aleksandër Muskaj./Gazeta Ekspress
