Deputetja e parlamentit europian, Doris Pack, ka reaguar lidhur me akuzat se ambasadorja e BE Romana Vlahutin ka blerë një supervilë në Tiranë. Gjatë një konference në Tiranë, Pack tha se ky është turp për BE nëse ka ndodhur….
“Do ndihesha me të vërtetë e turpëruar nëse ato që thuhen për ambasadoren e BE-së në Tiranë do ishte e vërtetë. Nuk e di, por ajo që kam dëgjuar më ka inatosur shumë. Nëse është e vërtetë, është një turp i madh për Bashkimin Europian sepse ne ju kërkojmë juve të luftoni korrupsionin dhe krimin dhe nëse dikush prej nesh është me të vërtetë i përfshirë në diçka të tillë, atëhere për ne është një turp i madh”, u shpreh ajo.
Gjithashtu znj. Pack foli edhe për ccështje të tjera të debatura në vend, si dekrimalizimi dhe droga. “Mendoj se ka mungesë vullneti përsa i përket dekriminalizimit dhe narkotrafikut. Mendoj gjithashtu se ka mungesë shumë të madhe vullneti për të luftuar krimin e organizuar. E kam ndjekur nga afër reformën në drejtësi dhe shpresoj që kjo reformë të zbatohet sa më shpejt të jetë e mundur. Keni gjithashtu një reformë në administratën publike dhe as këtu nuk ka ndonjë rezultat të madh. Reforma zgjedhore do duhet të arrihet dhe miratohet para zgjedhjeve të ardhshme”, tha eurodeputetja.
“Më vjen me të vertetë keq kur kam parë se në ditët e fundit, personat që janë dënuar me dënim të përjetshëm apo burgim 25 vjet, janë liruar si pa të keq. Nuk arrij ta kuptoj si mund të ndodhë diçka e tillë”, deklaroi Pack.
