Pas dorëheqjes së kryetares së Bashkisë së Durrësit mëngjesin e sotëm, Valbona Sako, ka ardhur një reagim nga partia Demokratike. Sipas këtij reagimi PD është shprehur se Durrësi po i rikthehet Vangjush Dakos për shkak të Zhyljen Varfi, personit që do t’a zëvendësojë.
“Durrësi i rikthehet Dakos. Me vendimin e sotëm të këshillit bashkiak, njeriu më i afërt i Vangjush Dakos, Zhyljen Varfi apo njeriu i tenderave korruptive që akoma s’janë mbyllur në prokurori, merr në dorë drejtimin e Bashkisë. Dorëheqjet e njëpasnjëshme të Sakos, dhe nënkryetares Kondi, në të vërtetë tregojnë shkërmoqjen e Edi Ramës, arkitektit të rrënimit të Durrësit. Sot kemi anarki totale në administrimin e qytetit se për vite të tëra nuk i është shërbyer interesave të qytetarëve, por vetëm të grupeve kriminale. Kjo është arsye që sot askush nuk është në gjendje të shërbejë dhe jemi në kushtet e ç’organizimit ku kudo qytetarët, në të gjitha lagjet e qytetit, na thonë se askush nuk i ka kontaktuar,”-përfundon reagimi i Partisë Demokratike.
Sako dha dorëheqjen pasi në një dalje për mediat artikuloi se ‘duhet të jemi të kënaqur me 50 viktima, pasi mund të ishim me mijëra’.
Kjo deklaratë e saj shkaktoi reagime të shumta negative në rrjete sociale dhe për këtë arsye mëngjesin e kësaj të diele ajo njoftoi dorëheqjen./Opinion.al/
