Kryeopozitari Lulzim Basha teksa ka komentuar dorëheqjen e kryebashkiakut të Kavajës Elvis Rroshi, theksoi se sot ligji për dekriminalizimin foli.
Gjatë një deklaratë për gazetarët kreu i PD-së deklaroi se Rroshi kishte mbështetjen e kryeministrit Edi Rama, në kandidimin e parë dhe të dytë për postin e kryetarit të bashkisë së Kavajës edhe pse ishte i inkriminuar.
“Reforma nga më të rëndësishme në këto 25 vite, e cila ka vulën e PD, ligji për dekriminalizim. Efektet kanë nisur të ndihen. Sot Evlis Rroshi si subjekt i njohur ka marrë nga ligi të që ligji i rezervon atij atë që fshihet pas veshjes së politikës. para se të vinim tek ky hap i rëndësishëm. Roshi kishte mbështetjen e Ramës në kandidimi i parë dhe i dytë. Rama vendosi të rrinte pas dhe me Elvis Rroshin, të sfidonte komitetin ndërkombëtar dhe ti poshtëronte. Poshtëruesi i popullit shqiptar a një emër; Edi Rama. Sot i gënjeu. Roshi ka një dënim në Zvicër për trafik droge.”, tha Basha.
Sipas tij, Edi Rama e ka ditur se Rroshi ka pasur dënim në Zvicër për drogë. “E dinte edhe kur do ta kandidonte por zgjodhi të mos dëgjonte shqiptarët si tani që doli në mbrojtje. Nuk është një ditë për të fërkuar duart, është një ditë për të parë se ku e ka katandisur Edi Rama Shqipërinë. Ndryshe nga çfarë parashikonin dajrexhinjtë e tij në media, ligji funksionon. Me shprehjen e tij më të dashur, ‘s’ka parë asgjë akoma’, ligji do t’i nxjerrë të gjitha”, theksoi Basha.
Por kreu i PD-së, deklaroi se problemi nuk zgjidhet me largimin e kryebashkiakut të Kavajës duke kërkuar largimin e kryeministrit Rama.
“Problemi nuk zgjidhet me largimin e Rroshit, ky duhet të largohet, ky që i gënjen dhe poshtëron shqiptarët. Që i ka zhytur në krizë të thellë. Largimi i Edi Ramës është zgjidhja. Ai duhet të mbajë përgjegjësi para shqiptarëve. Ta çlirojmë Shqipërinë nga kjo e keqe që i ka zënë frymën, nga gënjeshtrat nga korrupsioni nga inkriminimi. Kjo është fitore e një beteje por lufta do të vazhdojë”, tha Basha.
