Një grua ruse është akuzuar se ka punësuar një vrasës me pagesë për të vrarë fëmijët e saj për shkak të trashëgimisë së tyre.
Policia ka arrestuar 67-vjeçaren javën e kaluar në Krasnoyarsk, qyteti i dytë më i madh në Siberi.
Pamjet e publikuara nga Ministria e Punëve të Brendshme në Telegram tregojnë tre oficerë me rroba civile që e ndalojnë pensionisten jashtë shtëpisë së saj.
“A e kupton pse të kemi ndaluar?” e pyet njëri prej tyre në rrugë ndërsa e prangos.
E habitur, gruaja përgjigjet: “Jo”.
Thuhet se ajo urdhëroi vrasjen e djalit dhe dy vajzave të saj, në mënyrë që të mund të bëhej pronare e vetme e një prone familjare.
Ajo bashkëpunoi me shoqen e saj, e cila e ndihmoi të gjente një vrasës me pagesë, i cili më vonë u pagua rreth 80,000 £ për të bërë punën.
Fotot e shpërndara nga policia tregojnë grumbullin e parave që ajo dyshohet se kishte nxjerrë për të bërë pagesën.
Në një deklaratë të ministrisë thuhet:
“Punonjësit e departamentit të hetimit penal të Ministrisë së Punëve të Brendshme të Rusisë arrestuan një të dyshuar për organizimin e vrasjes së fëmijëve të saj.”
Operatorët morën informacion se një banore e qendrës rajonale, duke dashur të mbetej pronare e vetme e pasurive të paluajtshme, ka urdhëruar vrasjen e djalit të saj, i lindur në 1978 dhe vajzave të lindura në 1974./Opinion.al
