Presidenti amerikan Donald Trump i ka dërguar një mesazh urimi për ditëlindje liderit të Koresë së Veriut, Kim Jong-Un, ka thënë këshilltari i sigurisë kombëtare të Koresë së Jugut, Chung Eui-Yong.
Chung, i cili është takuar me Trumpin në Washington gjatë kësaj jave, mësohet t’u ketë thënë gazetarëve se i është dhënë një mesazh për në Korenë e Veriut dhe se ai e kishte dërguar këtë mesazh të enjten.
“Ditën që u takuam ishte ditëlindja e Kim Jong Un-it dhe Presidenti Trump e kujtoi dhe më tha t’i dërgoja këtë mesazh,”-ka thënë Chung pas mbërritjes së tij në Korenë e Jugut.
Ditëlindja e Kim Jong-Un mendohet se është më 8 Janar, megjithatë kjo datë nuk është konfirmuar asnjëherë.
Qeveria amerikane e ka vendosur vitin e lindjes së Kim Jong-Un-it në 1984-n dhe sipas këtij viti ai është 36-vjeç.
Megjithatë Chung nuk nuk u shpreh nëse ishte një mesazh me shkrim apo nëse përfshinte diçka më shumë se thjesht urimet për ditëlindje./Opinion.al/
