Donald Trump do të nënshkruajë një urdhër tjetër ekzekutiv këtë herë për të vendosur sanksione ndaj Gjykatës Penale Ndërkombëtare, sepse ajo synon SHBA-në dhe aleatët e saj, si Izraeli, tha një zyrtar i Shtëpisë së Bardhë.
Urdhri parashikon vendosjen e sanksioneve ekonomike dhe sanksioneve të vizave ndaj individëve dhe anëtarëve të familjeve të tyre që ndihmojnë në hetimet e ICC-së ndaj qytetarëve amerikanë ose aleatëve të SHBA-së, tha zyrtari.
Kujtojmë që Gjykata Penale Ndërkombëtare lëshoi urdhra arresti kundër kryeministrit izraelit Benjamin Netanyahu dhe ish-ministrit izraelit të Mbrojtjes Yoav Gallant, si dhe kundër liderëve të Hamasit që tashmë janë vrarë. Urdhëresat kanë të bëjnë, ndër të tjera, për krimet kundër njerëzimit dhe krimet e luftës.
