Sot në Beograd është mbajtur një takim mes biznesmenëve serbë dhe djalit të presidentit amerikan Donald Trump Junior, bëhet e ditur në rrjetet sociale të Odës Ekonomike të Serbisë.
“Një diskutim i shkëlqyer dhe i hapur mes përfaqësuesve të biznesit serb dhe Donald Trump Jr. Faleminderit për kohën tuaj dhe që na dhatë mundësinë t’ju prezantojmë me disa nga sipërmarrësit tanë të mëdhenj”, thuhet në njoftim.
Donald Trump Jr është sot në Beograd, ndërsa më herët ishte konfirmuar nga Presidenca serbe se do të ketë një takim dhe darkë me presidentin serb Aleksandër Vuçiç.
Kjo është vizita e dytë e Donald Trump Jr në Beograd në muajt e fundit.
Ai ishte në Beograd më 11 mars, kur takoi Presidentin Vuçiç.
Po ashtu Donald Trump Jr vizitoi Beogradin gjatë fushatës zgjedhore të babait të tij, në fund të shtatorit të vitit të kaluar./Opinion.al
