Ashtu siç kishte premtuar, Presidenti amerikan Donald Trump, sapo hyri në zyrë, nënshkroi dekret presidencial për të falur protestuesit që morën pjesë në sulmin ndaj Capitol më 6 Janar 2021.
Rreth 1500 qytetarë dhe mbështetës të tij të akuzuar për trazirat në Capitol, janë falur menjëherë sapo Trump u fut në Shtëpinë e Bardhë.
Mirëpo ky vendim i tij pritet që të shkaktojë zemërim në radhët e policisë dhe të ligjvënësve, jetët e të cilëve u vendosën në rrezik nga sulmi i 4 viteve më parë, që konsiderohet i paprecedentë në historinë e Amerikës moderne.
Katër persona humbën jetën gjatë atyre trazirave, përfshirë edhe një mbështetës të Trump që u qëllua nga policia.
Rreth 140 oficerë policie u sulmuan në atë kohë teksa protestuesit mësynë brenda Capitolit.
Përmes dekretit të faljes së Trump, nga burgu dolën edhe dy persona të cilët vuanin dënime më të rënda në lidhje me këtë ngjarje.
78-vjeçari firmoi rreth 200 urdhra ekzekutivë në ditën e tij të parë si President sapo mori detyrën.
