TIRANË- Ambasadori Donald Lu duke folur në tryezën për reformën zgjedhore, ku pranë kishte tre liderët e partive kryesore në vend, Edi Rama, Ilir Meta dhe Lulzim Basha tha se “liderët nuk duhet të vendosin më kandidatë të inkriminuar në lista”.
Pjesë nga fjala e Donald Lu në tryezën e zgjedhjeve
“Kemi parë gangsterë jashtë qendra të votimit, kemi parë prova të blerjes së votës dhe votimit në grup. Disa nga kandidatët kishin të shkuar të turpshme kriminale. Abuzimet gjinore janë një turp për Shqipërinë. Këto çështje zgjedhore që përmenda më lart u vërejtën nga ODIHR.
SHBA-të mbështesin fuqimisht rekomandimet e ODIHR dhe i bëjmë thirrje Kuvendit t’i zbatojë rekomandimet këtë vit.
Por për një reformë të vërtetë duhet edhe më shumë. Partitë të bëjnë transparencë financimet. Një parti e ka bërë publike këtë, nxisim të gjitha partitë të bëjnë publike deklaratat e pasurive të gjithë kandidatëve dhe gjithë financimet që marrin në zgjedhje. Liderët të mos vendosin të inkriminuar në fletën e votimit.
Ne shqiptarëve dhe amerikanëve na pëlqen shumë të ankohemi. Ne mund të ankohemi sa të duam por duhet të dimë se jemi përfundimisht përgjegjës për politikanët që vetë zgjedhim me votë.
