Tiranë- Ambasadori amerikan Donald Lu ka folur nga selia e PD teksa doli nga mbledhja e grupit të deputetëve demokrat. Mbledhja që zgjati dy orë e gjysëm ka pasur debate.
Donald Lu deklaroi se PD ka pasur një rol të madh në demokracinë e Shqipërisë duke e ftuar atë të mbajë këtë rol edhe për reformën në drejtësi.
Pjesë nga deklarata e ambasadorit Lu
Partneriteti SHBA-Shqipëri ka vazhduar në vite. Unë përfaqësoj një vend që për më shumë se 100 vjet ka luftuar për të mbajtur Shqipërinë sovrane, demokratike dhe të sigurt. Në 25 vitet e shkuara ne kemi punuar së bashku për të arritur gjëra të mëdha dhe fundin e komunizmit, fitoren e luftës në Kosovë dhe anëtarësimin në NATO. Partia Demokratike ka luajtur një rol vendimtar në historinë postkomuniste të Shqipërisë që kjo traditë duhet të vazhdoj në kontekstin e Reformës në Drejtësi.”
Pjesë nga deklarata e Romana Vlahutin
Ky ka qenë një diskutim shumë i dobishëm, shumë i mirë dhe shumë konstruktiv. Mendoj se kemi sqaruar disa çështje që më parë nuk ishin të qarta. Por më e rëndësishmja është që në te gjithë kemi rënë dakord që jemi partnerë dhe aleatë për të mirën e Shqipërisë. Dhe që në ditët në vijim energjitë tona do të kalojnë në këtë gjë, që kjo reformë të përfundojë.Natyrisht edhe zbatimi i kësaj reforme do të jetë i një rëndësie të madhe në veçanti për BE. Dhe ne do të sigurohemi që do të ketë shkruar në letra të bëhet realitet për njerëzit dhe qytetarët e këtij vendi.
