Numri i pasagjerëve të gjobitur nga Policia Kufitare për pirjen e duhanit në zonat e aeroportit Marco Polo të Venecias ku ndalohet shprehimisht është në rritje.
Mediat italiane shkruajnë është tashmë rasti i tretë që regjistrohet në vetëm një javë. Një pasagjer turk që nisej nga Venecia drejt Stambollit është gjobitur me 2 mijë euro pasi nuk i rezistoi pirjes së duhanit.
Menjëherë kanë ndërhyrë efektivët e policisë kufitare duke e bllokuar. Gjoba prej 2000 eurosh është dënimi i parashikuar për ata që hapin me forcë dyert “Air side” pa pasur të drejtë ta bëjnë këtë, në zbatim të urdhëresave specifike të ENAC.
Një episod i ngjashëm kishte ndodhur edhe disa ditë më parë, por këtë herë autorët e shkeljes ishin një çift i ri, të cilët të shtyrë nga e njëjta nevojë, detyruan të hapnin dyert e “anës ajrore” duke u zhvendosur në vende ku pirja e duhanit është rreptësisht e ndaluar.
Përdorimi i cigareve, qoftë edhe elektronike, brenda infrastrukturave të aeroportit lejohet vetëm në zona të veçanta të përcaktuara mirë, të shënuara me një shenjë të veçantë që autorizon pirjen eduhanit.
Kjo është një hapësirë jo e pranishme në të gjitha infrastrukturat e aeroportit, prandaj përpara se të ndizni një cigare, është e nevojshme të kontrolloni praninë e një vendi të rezervuar për duhanpirësit.
Është mirë të mbani mend, për të shmangur gjobat veçanërisht të rënda, se pirja e duhanit është rreptësisht e ndaluar në platformën e parkimit të avionit dhe në zonat e manovrimit. Ndalimi shtrihet gjithashtu në të gjitha vendet e mbyllura si dhomat e pritjes, portat, korridoret dhe zona tregtare./Opinion.al
