Për më shumë se dy orë deputeti socialist Ilir Ndraxhi është marrë në pyetje në Prokuroria e Krimeve të Rënda. Emri i tij doli në përgjimet e publikuara nga gazeta gjermane Bild, të dosjes 339.
Përgjimet vënë në dukje lidhjet direkte që Astrit Avdylaj, kreu i grupit kriminal, mbante me kryetarin e Bashkisë së Durrësit Vangjush Dako, por dhe me kandidatin aktual të Partisë socialiste për Bashkinë e Shijakut Elton Arban, si dhe angazhimin e Avdylajt për të siguruar vota për Partinë socialiste dhe një prej kandidatëve të saj, deputetin aktual Ilir Ndraxhi.
PËRGJIMI 2 (28 mars 2017)
SAQRIMI I BILD PËR KËTË PËRGJIM- Astrit Avdylaj, kreu i grupit Kriminal Avdylaj në Shijak- Kreu i bashkisë Shijak, (0692069933-Ardian Kokamani) Astrit Avdylaj, kreu i grupit Kriminal Avdylaj në Shijak- Kreu i bashkisë Shijak, telefonon kreun e bashkisë së Shijakut për të lënë një takim me të, Vangjush Dakon kryebashkiaukun e Durrësit, me një kandidat në prespektivë dhe të ardhme “Liri” (Ilir Ndraxhi) një person që grupi Kriminal Avdylaj kërkon të caktohet si kandidat i PS për deputet. Mbledhja bëhët për të bërë vetëm këte: për të finalizuar marrëveshjen që Ilir Ndraxhi do të caktohet si kandidat per deputet i PS në Durrës që të përfaqësojë interesat e klanit kriminal Avdylaj, ndërsa Avdylajt do t’i japin mbështetje maksimale PS në fushatë në Durrës.
Avdylaj- Alo
Kryetari- Hë mo
Avdylaj- Si je kryetar
Kryetari- Si ke qenë ti
Avdylaj- Mirë faleminderit, ça po bo
Kyetari- Jam akoma ktej, sa kemi maru po po hamë drek
Avdylaj- Ee të boft mirë, po e di për ça të mora unë?
Kryetari- Po
Avdylaj- Nesër kemi një takim në orën 10 të mëngjesit, aloo
Kryetari- Po po, të dëgjoj, po po
Avdylaj- Unë, ti, Gjushi, Liri, vllai i lirit, dhe Jupi do pimë një kafe neser në durrës në orën 10, pranaj të kam mor sot me i fjalë
Kryetari- Atëherë në orën 10, më duket është dhe një 5 minuta tek pallati kulturës se ka vdek Niko Besplla, ish fubollisti jonë, shijaksi jonë. Kanë ceremoninë në Pallat të Kulturës dhe do takojmë atje.
Avdylaj- Takohemi tek një kafe, do sjellim edhe ritin, që të jemi nesër që, më kupton
Kryetari- Pa merak
Avdylaj- Se erdhën sot ato, po diskutonim, ishte dhe juli, kshu që e kupton? Ngaqë është dhe ai, edhe që të jesh edhe ti se normal po s ishe ti, më kupton
Kryetari-Ee mirë,
Avdylaj-Alo ca the
Kryetari- Titi pa merak, se jam në Durrës takojmë në Durrës, se do jem dhe në ceremoni, rri pa merak
Avdylaj- Mirë pra ngaqë do ashu që të jesh dhe ti me këto, më kupton?
Kryetari- Po po
Avdylaj- Mirë, pra faleminderit mirupafshim
Kryetari- Hajt hajt ciao
PËRGJIMI 3
SAQRIMI I BILD PËR KËTË PËRGJIM- Astrit Avdylaj- Arjan Ndraxhi (vëllai i Ilir Ndraxhit, deputeti socialisti i Shijakut në Parlament) Astrit Avdylaj kreu i grupit Kriminal në Shijak telefonin Arjan Ndraxhin, vëllai i Lirit (Ilir Ndraxhi), deputeti i ardhshëm i PS në parlament .
Klani kriminal Avdylaj i ka kërkuar kryeministrit Rama, nëpërmjet kryebashkiakut të Durrësit Vangjush Dako, që Ilir Ndraxhi të jetë në listën e kandidatëve të PS për Durrësin. Në këtë bisedë bosi i krimit Astrit Avdylaj telefonon vëllain e deputetit në perspektivë dhe e pyet atë nëse vëllai i tij, ka marrë ndonjë telefonatë (nga lart) për tu konfirmuar si kandidat i PS. Më tutje Astritoi zotohet se ata do të punojnë shumë fort që të mund të surprizojnë të gjatin (Edi Rama) me një rezultat pozitiv 10 me 0.
Disa ditë më vonë Ilir Ndraxhi konfirmohet si kandidat i PS për Durrësin duke përfaqësuar interesat e klanin kriminal në këmbim të suportit maksimal ndaj fushatës së PS në Durrës. Elton Arbana, atëherë kryetari socialist i Bashkisë së Shijakut është i përmendur gjithashtu në bisedë si kandidat për deputet që klani kriminal Avdylaj është duke punuar që të futet në listën e PS, pasi renditja që ata diskutojnë për të nuk është shumë e favorshme (I 10-ti ose 11-ti).
Më vonë marrëveshja ndryshoi, Elton Arbana nuk ishte i përfshirë në listë por iu premtua diçka më e mirë. Elton Arbana është sot kandidati për bashkinë e Shijakut për PS, për zgjedhjet elektorale të 30 qershorit 2019.
Vëllai i Ilir Ndraxhit: Tito, të rujt zoti, mirë ça bone
Avdylaj: Mirë si je, çkemi ,
Vëllai i Ilir Ndraxhit: Mirë, mirë
Avdylaj: Ça bohet
Vëllai i Ilir Ndraxhit: Hiç mo mir, ja ktu me çunin. Ça bën, mirë jeni?
Avdylaj: Hiç vallai, mirë mo kalojmë, vallai mo t mora për qejf, a e kanë thirr gjo, a naj gjo a akoma
Vëllai i Ilir Ndraxhit: Për ku
Avdylaj: A I kanë bo naj thirrje , naj gjo vëllait apo jo
Vëllai i Ilir Ndraxhit: Jo more, ai pret që të takohët me ty, po dje skeni qene, ska qene jupi a nuk e di. Ai tha, ka fol Juli, do vi nesër. Mori në darkë e tha që do rrijë nesër me Ridin, Astritin dhe Julin.
Avdylaj:Po
Vëllai i Ilir Ndraxhit: Edhe pastaj do u takonte me atë, me vangjushin në fakt do takohen për punë punë, si I thonë ata, si me I ra nga puna
Avdylaj: Ok ok, mirë, jo unë po pres me I fjalë nesër pasnesër më tha mu ai kupton, unë tha e kam, më I fjalë, e kena në xhep si me thonë, e kupton vëllain tat
Vëllai i Ilir Ndraxhit: Po po
Avdylaj: Vetëm po presim, ai më tha mu me 25,ishte dhe eltoni aty, eltonin e vuni o të 10-tin o të 11-I tha Eltonit, arbanës
Vëllai i Ilir Ndraxhit: Elton Arbanës ë? e po mir mir
Avdylaj: Unë jam duke punu ktu me i fjalë ke lagja ime, mes njerëze me i fjalë. Nuk kam dal najher në Pazar, po jam duke taku njerëz , çdo njëri që jam duke ashu. E kam e kam shumë shumë kshu, dhe du tjemi shumë të nderum dhe ke ai sipër që du të na shofi më një kshu.
Vëllai i Ilir Ndraxhit: Eshtë e vërtetë, është e vërtë
Avdylaj: Du ti japim i 10-tshe me zero që dhe ai vetë të habitet
Vëllai i Ilir Ndraxhit: Boji i telefon Julit, mos shkoni me pi kafe aty te puna kur t ashu
Avdylaj: Mir pra rob zoti
Vëllai i Ilir Ndraxhit-E
Avdylaj: Mir
Vëllai i Ilir Ndraxhit: Ti e ke numrin e julit
Avdylaj: Po e kam, Jo jo se e boj vet pa merak, hajde pra gjithë t gjith t mirat
Vëllai i Ilir Ndraxhit: Shumë faliminderit
Avdylaj: Ça flet re
Vëllai i Ilir Ndraxhit: Ja kalofsh mirë
