Një ngjarje e pazakontë është shënuar në kryeqytetin e Australisë, ku një vajzë hyri në pistën ku qëndronte avioni që po përgatitej për tu nisur.
Ngjarja e ndodhur pasditen e së mërkurës është regjistruar nga kamera e një kalimtari në aeroport.
Në aeroportin e Kanberrës, e reja ka ecur dhe kryer veprime të tjera pranë avionit, ndërkohë pamjet po bëjnë xhiron e rrjetit. Në avion ndodheshin pilotët, të cilët kanë vëzhguar vajzën që ka lëvizur pranë mjetit fluturues dhe fikën motorët që mund ta kishin vrarë.
E reja ishte veshur me shapka, një xhup ose xhaketë ngjyrë gri dhe me pantallona të zeza, ndërkohë në dorë ka mbajtur telefonin.
Dëshmitarët okularë thanë për mediat lokale se ishin të befasuar sepse askush nuk e ndaloi gruan.
Ende nuk dihet realisht se çfarë e ka shtyrë vajzën të bëjë këtë veprim, por një dëshmitar ka deklaruar se ajo humbi fluturimin për këtë arsye ka zbritur në pistën e aeroportit.
Ajo u vu në pranga nga Policia Federale Australiane për veprimin që kreu, gjë që mund t’i kishte rrezikuar jetën./Opinion.al
