Kryeministri Edi Rama ka krijuar një ministri të re, duke bërë kështu lëvizjen e radhës në kabinetin qeveritar.
Ai ka krijuar ministrinë e Ekonomisë, Kulturës dhe Inovacionit, e cila do të bashkojë në një të vetme pjesët që aktualisht funksionojnë të ndara në ministritë respektive të Financave dhe Ekonomisë e të Kulturës.
Ashtu siç shihet edhe në propozimin e dërguar Presidentit Bajram Begaj, drejtimin e kësaj ministrie do ta marrë Blendi Gonxhe, i cili aktualisht drejton Drejtorinë e Përgjithshme të Shërbimeve të Transportit Rrugor.
“Për drejtimin e kësaj ministrie të re do t’i propozoj sot Presidentit të Republikës, zotin Blendi Gonxhe, një drejtues publik që ka spikatur për reformimin dhe modernizimin mbresëlënës të institucionit, orientimin konstant ndaj inovacionit në funksion të rritjes së cilësisë së shërbimit për qytetarët, shpejtësinë e integrimit të nënsektorit përkatës në kornizën e standardeve europiane”, shkruan Rama.
