Ministri teknik i Drejtësisë Gazment Bardhi ka shkarkuar nga detyra dhe ka kërkuar ndjekje penale për sekretaren e përgjithshme të këtij institucioni.
Në shkresën e siguruar nga Opinion.al thuhet se Juliana Hoxha ka kandiduar për deputete në listat e PS në Tiranë por më pas është dorëhequr. Kjo sipas Ministrit të Drejtësisë është shkelje ligjore pasi çdo funksionar publik duhet të japë dorëheqjen përpara se të futet në garë për një parti politike.
Burimet nga Ministria e Drejtësisë konfirmojnë se ka nisur dhe procedura e lirimit nga shërbimi civil.
