Lëvizja Socialiste për Integrim ka kërkuar zyrtarisht amendimin e ligjit për akzicat. Përmes një shkrese që kreu i grupit, Petrit Vasili i ka dërguar kryetarit të Kuvendit mësohet se LSI është kundër taksimit të gazit të lëngshëm. Propozimi për taksimin me 13l/liter u bë nga Ministria e Financave.
Vasili thotë se kjo është një barrë e shtuar për familjet shqiptare që përdorimn makinat me gaz.
“Janë shtuar së shumti familjet që kanë detyruar të kthejnë makinat e tyre me gaz për shkak të konsumit. Gjithashtu edhe bizneset përdorin mjetet e transportit me gaz, si një zgjidhje ekonomike, shkruan më tej Vasili në kërkesën për amendimin e ligjit. Për shkak se populli po përballet me vështirësi ekonimike, LSI e sheh të tepërt taksën e gazit.
*Më poshtë letra e plotë e kreut të grupit të LSI-së.
