Ish-deputeti i PD, Azgan Haklaj ëshë në listën e personave të kërkuar nga policia për protestën në Rrugën e Kombit. Në një dokument policor të siguruar nga Abc News shihet emri i Haklajt mes 44 personave të tjerë evidentuar si shkaktarë të dëmit ekonomik mbi kabinat e faturimit. Përbri emrit të tij policia shkruan se “ka bërë thirrje për shkatërrimin e terminalit”.
Sakaq zyrtarisht është thënë se janë lëshuar nga prokuroria 36 urdhër-arreste, ku 23 prej tyre jane ekzekutuar.
23 personat e arrestuar në mesnatë dhe në orët e para të ditës së diel janë shoqëruar për në Drejtorinë e Policisë së Tiranës. Avokati i Popullit foli për shkelje proceduriale dhe mungese dokumentacioni në shoqërimin e këtyre protestuesve. Prej pasdites së djeshme dhe sot gjatë gjithë ditës protestohet për lirimin e tyre. Qytetarë të shumtë janë bashkuar me familjarët dhe po qendrojnë përpara Drejtorisë së Policisë së Tiranës. Bashke me protestuesit janë edhe deputetët e PD-së.
Tek nr 34: emri i Haklajt
