Kryetarja e komanduar e Bashkisë së Tiranës, Anuela Ristani ka firmosur ditën e sotme dy shkarkime në këtë institucion.
Ristani ka shkarkuar nënkryetaren Sara Goxhaj, e cila në urdhrin e tërhequr nga Veliaj do t’i delegoheshin detyrat e kryetarit.
Gjithashtu ka firmosur edhe shkarkimin e Sekretarit të Përgjithshëm të Bashkisë, Alban Dokushi.
Kujtojmë se pas emërimeve dhe shkarkimeve në Bashkinë e Tiranës, reagoi vetë Erion Veliaj, përmes një postimi në rrjetin social Facebook, duke thënë se pas shkarkimit, kishte vendosur ta rikthente Anuela Ristanin në krye të këtij institucioni.
Siç shprehej ai, ridelegimi i kompetencave të Sara Goxhaj ishte keqkuptim, pasi ky emër nuk ishte dakordësuar me ekipin drejtues.
