Janë bërë publike në media akuzat që Këshilli i Lartë i Drejtësisë (KLD) ngriti ndaj Ministrit Saimir Tahiri.
Pasi sulmoi gjyqtarin Arjan Aliaj për arsye se ai pezulloi nga detyra Drejtorin e Përgjithshëm të Policisë së Shtetit, Hako Çako, me kërkesë të prokurorisë, Ministri u padit nga KLD.
Ministri e sulmoi personalisht gjyqtarin Aliaj duke e quajtur një gjyqtar që ka liruar kriminelë.
E gjithë vala e akuzave dhe sulmeve ndaj gjyqtarit ra kur Gjykata e Apelit e riktheu në detyrë Haki Çakon.
KLD vlerësoi se në akuzat publike, Tahiri kishte shkelur disa ligje.
Në padinë që disponohet nga “GSH” renditen nenet që KLD-ja pretendon se ministri Tahiri i ka shkelur.
Thuhet se ai ka shkelur nenin 317 të kodit të procedurës penale, nenin 278, pika 2 të kodit të procedurës penale, nenin 7, pika 108/2014 për Policinë e Shtetit dhe nenin 281, KLD thekson në padi se Saimir Tahiri ka vepruar për llogari personale. Ministri po hetohet edhe vetë për pajisjen e përgjimit, ndonëse ndaj tij nuk janë ngritur zyrtarisht akuza. Nëse do të shpallet fajtor për akuzat e KLD, Tahiri rrezikon të dënohet me gjobë ose burg deri në tre vjet./ Lapsi.al
