Kryeministri Edi Rama ka marrë pjesë sot në përurimin e gjimnazit “Babë Dudë Karbunara” në Berat ku të pranishëm kanë qenë edhe personalitete të cilët kanë dale nga kjo shkollë.
Të pranishëm në këtë ceremoni kanë qenë Kita Sallabanda një ndër neurokirurgët më të mire në vend që punon njëkohësisht edhe në Spanjë si dhe ish-rektori i Universitetit të Tiranës, Dhori Kule.
Ka shërbyer një rrëfim i sinqertë i doktor Sallabandës për dashurinë e parë në gjimnazin e Beratit, bëri që kryeministri të mos i ndalte batutat.
“Këtu kam njohur dashurinë time të parë, atë dashurinë e gjimnazistëve shumë e shumë vite më parë. Profesoresha Elpiniqi më ndiqte nga mbrapa dhe më thoshte “jo”. Kam shumë kujtime të bukura”, rrëfeu doktor Sallabanda.
“Sot e mora vesh që Kita është edhe qejfli se mbaka mend edhe dashurinë e parë nga gjimnazi dhe nuk rrika dot edhe pa e thënë. Për të mbajtur mend të gjithë e mbajmë, por Kita Sallabanda, gati gati sa nuk i tha ish drejtoreshës “shihemi pak mbrapa se dua të më çosh te dashuria e parë”. U mor vesh pa dashjen tënde Kita se motivi kryesor për të ardhur këtu dhe jam bindur që drejtorja dhe mësuesit e tjerë do të shoqërojnë të pini një kafe me dashurinë e parë”,-tha kryeministri Rama.
