Policia e Fierit ka identifikuar autorët e 3 zjarrvënieve në fshatrat Luar, Kreshpan dhe Grabian dhe ka arrestuar njërin prej tyre, ndërsa 2 të tjerët procedohen në gjendje të lirë. Si pasojë e zjarreve të ndezur prej tyre, u dogjën sipërfaqe të mbjella dhe sipërfaqe me bimë të ulëta.
Piromani i arrestuar, pasi për shkak se ka ndezur zjarr në tokën e tij në fshatin Luar, për të djegur mbeturina dhe janë djegur dhjetëra rrënjë ullinj, në pronësi të një shtetasi tjetër.
Njoftimi i Policisë Fier
Si rezultat i ndërhyrjes së menjëhershme të shërbimeve të Komisariatit të Policisë Fier, në bashkëpunim me shërbimet mbështetëse, pas njoftimeve për 3 vatra zjarri në fshatrat Luar, Kreshpan dhe Grabian, u identifikuan dhe u proceduan penalisht autorët e të 3-ja rasteve. Konkretisht:
-u arrestua shtetasi P. H., banues në Luar, pasi për shkak se ka ndezur zjarr në tokën e tij, për të djegur mbeturina, janë djegur dhjetëra rrënjë ullinj, në pronësi të një shtetasi tjetër;
-u referuan materialet në Prokurori ku nisi procedimi në gjendje të lirë për shtetasin F. M., banues në Kreshpan, pasi për shkak se ka ndezur zjarr në tokën në pronësi të tij, është djegur një sipërfaqe toke me barishte dhe me shkurre;
-u referuan materialet në Prokurori ku nisi procedimi në gjendje të lirë për shtetasin V. N., banues në Grabian, Divjakë, pasi për shkak se ka ndezur zjarr në tokën në pronësi të tij, është djegur një sipërfaqe toke me barishte dhe me shkurre.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
Drejtoria Vendore e Policisë Fier apelon për qytetarët që në asnjë rast të mos ndezin zjarre, pasi ky veprim përbën krim dhe ndëshkohet penalisht, si dhe i fton ata që të denoncojnë në numrin 112, çdo rast të tillë, me qëllim ndërhyrjen e menjëhershme për shuarjen e flakëve dhe procedimin penal të shtetasve përgjegjës.
