TIRANË – Nga janari i vitit të ardhshëm lejet e drejtimit për automjetet do të jenë të ndryshme nga ato që janë dhënë deri tani.
Ndryshimi vjen si kusht i Bashkimit Europian. Në patentat e reja ndryshon përcaktimi i kategorive.
Aktualisht në Shqipëri janë vetëm 8 kategori të lejeve të drejtimit, ndersa patenta e re do te ofroje 14 kategori. Të parët që do të pajisen një leje të re drejtimi do të jenë ata që do të përfundojnë kursin në autoshkolla.
Ata që disponojnë aktualisht një patentë do të duhet ta rinovojnë gradualisht gjatë vitit 2016. Pagesat dhe kushtet për marrjen e patentës së re janë të njëjta si deri më tani.
Televizioni Klan mesoi se lejet e reja te drejtimit do te kene te njejten kosto me lejet aktuale dhe procedura per marrjen e tyre do te jete e njejte.
